Todo comeza con...

Entusiasmo, forza interior e, por suporto, con moitas ganas de aprender.

Este proxecto trátase dunha páxina web de recursos educativos dixitais en galego, titulada “O Planeta Azul: A Terra” --creada coa plataforma Wix.com--, cuxa temática está esencialmente enfocada no planeta Terra, abarcando todo o que esta inclúe e dirixida a 4º e 5º de Educación Primaria .

A Terra é o único fogar que ten o ser humano, e que mellor motivo para comezar un proxecto que xire en torno ao seu único refuxio. Coñecer o entorno no que se ve inmerso día a día é fundamental para a súa existencia e para o respecto que este debe propiciar ao resto de seres vivos que habitan nela. Así mesmo, o coidado do planeta tamen é asunto de interese para este proxecto, pois o ser coñecedor/ora de todos os elementos que interactúan ao redor do mundo fará ao alumnado un ser máis competente e consciente das posibles problemáticas que aflixen ao ser fogar hoxe en día, para ser un ser xerador de solucións efectivas para estas.

Realizamos a elección deste tema, principalmente, porque nos atopamos comprometidos co que esta implica. Actualmente, o noso planeta está a sufrir unha serie de cambios de extrema gravidade a causa da contaminación e da acción humana. Este feito, atópase fortemente respaldado principalmente pola falta de concienciación e formación das persoas, as cales na súa maioría, non son nin sequera conscientes da gravidade da situación e da repercusión que causan os seus hábitos e actuacións no noso planeta.

É por este, o motivo polo que decidimos fundamentar a nosa páxina web no ensino e formación desta temática. As persoas deben ser educadas desde a infancia dentro dunha serie de valores de ben, entre os que se debe atopar o coidado e protección do medio ambiente, tendo en conta que “os currículos de educación primaria incorporan elementos curriculares relacionados co desenvolvemento sustentable e o medio ambiente”(Decreto 105/2014, 2014, pp. 37419-37420) . Só deste xeito poderemos formar una sociedade con conciencia que poida coidar e sobre todo, garantir un futuro mellor para as xeracións vindeiras, nun planeta limpo, coidado e san.

A escolla deste proxecto nace da nosa curiosidade sobre o funcionamento e creación deste tipo de contido, o cal nos parece de gran utilidade para o futuro, tanto dentro como fóra do ámbito educativo.

No tocante á estrutura da páxina web, esta divídese en catro apartados:

Inicio: espazo onde se da a benvida a tódolos/as visitantes que accedan á web.
Coñece o proxecto: neste apartado inclúese información sobre o noso proxecto.
Recursos: espazo onde se inclúen tódolos recursos de autoría propia e de non autoría propia. Neste apartado é onde se reflexa a secuencia didáctica baseada na teoría da aprendizaxe significativa de Ausubel, na cal se plantexa o uso de organizadores previos para introducir a información, de tal xeito que se parte dos conceptos xerais á específicos, co obxectivo de que o alumnado comprenda o mundo na súa totalidade e chegue a entender que factores e elementos interactúan entre sí nas problemáticas actuais; é necesario partir da orixe para chegar á comprender a problemática e as consecuencias. Polo tanto, tendo en conta os organizadores previos, as diferentes temáticas a abordar nos recursos creados foron organizadas de nos seguintes bloques: o sistema solar (1), a terra (2), os seres vivos (3), os seres inertes (4), a materia (5), a enerxía (6), os fenómenos naturais (7) e o medio ambiente (8). Dentro de cada bloque, as actividades tamén seguen o modelo dos organizadores previos, de maneira que as primeiras abordan conceptos xerais e as últimas, conceptos particulares. Os bloques constitúense como temáticas xeras e específicas segundo se vaia tratando o bloque anterior ou posterior, mentes que o bloque 1 é unicamente xeral e o bloque 6 é unicamente específico.

Ademais, no final da páxina deste espazo inclúese en forma de hipervínculo no botón “Descubre máis recursos noutros sitios web” o póster educativo. Con isto, buscamos que os recursos de autoría propia que se organizan nos bloques mencionados anteriormente se diferenciasen dos contidos no póster, os cales pertencen a outros sitios web.

Blogue: contén o hipervínculo que redirixe a quen prema nel ao noso blogue “El Planeta Azul: La Tierra”.

Coa páxina web preténdese, ademais, facilitar a aprendizaxe do alumnado sobre as temáticas que se abordan nos recursos incluídos nela, presentando a información nun formato adaptado a sociedade do coñecemento actual, así como o acceso a estes independentemente do momento e lugar onde se atope o alumnado.